Phŏ Thủ tướng teh đak bơ̆n Trần Hồng Hà bơ̆ jang hăm Phŏ Kơdră dơnơm kơ Anih jang Hơtŏk tơ-iung Phalăng
Thứ năm, 11:01, 22/06/2023
VOV/Lan tơblơ̆
VOV/Lan tơblơ̆
VOV4.Bahnar – Lơ̆m 'măng năm tơmang păng Hop akŏm kơpal găh Tơchơ̆t jang jên hu lơ̆m apŭng plenh teh 'nao tơ̆ teh đak Phalăng ăh năr 21/6, Phŏ Thủ tướng teh đak bơ̆n Trần Hồng Hà hlôi truh tơmang anih jang kơ Anih hơtŏk tơ-iung Phalăng (AFD) păng bơ̆ jang hăm yă Marie Helene Loison, Phŏ Kơdră dơnơm kơ AFD, păng đe kơdră kơpal kơ AFD.
Tơ̆ jơ bơ̆ jang, Phŏ Thủ tướng teh đak bơ̆n chơt hơ-iă hăm dôm tơdrong hơtŏk kăp gĭt lơ̆m tơdrong jang tơbôl Việt Nam – Phalăng, mă kăl noh lơ̆m tơdrong jang hadoi găh mŭk drăm, minh tơdrong jang dơnơm kăp gĭt lơ̆m Tơbôl jang hadoi kơ 2 teh đak.
Ƀar păh drơ̆ng nơ̆r hơtŏk kơhret jang tơbôl đơ̆ng AFD păng Việt Nam găh tơdrong tơplih unh hơyuh, mă hăt noh lơ̆m khei năr Việt Nam hlôi đei dôm tơchơ̆t pran kơtang tơ̆ Hop akŏm COP26 păng pơtơm jang Hadoi tơplih unh hơyuh hơtŏ hơnơ̆ng; pơtoi jang hadoi đei jơnei dôm tơdrong jang mŭk drăm 'măn ăn hơtŏk tơ-iung kơjăp tơ̆ Việt Nam.
Viết bình luận