Kiơ̆ pơkă truh sơnăm 2050, Gia Lai jing Groi kông Cham char ‘lơ̆ng, Tơplŏng kơdâu păng Grăng pran”, anih tơmang cham char, phara kơdih păng kăp gĭt, jing tơring teh giơ̆ng ‘lơ̆ng, ƀenh kơ um ai joh ayŏ jing um pơtih kơ minh tơdrong jang mŭk drăm hơtŏk kơjăp sơđơ̆ng. Kiơ̆ pơkăp jang truh sơnăm 2030, dêh char Gia Lai hơtŏk tenh, đei jơnei păng kơjăp sơđơ̆ng. Hơtŏk pơ-‘lơ̆ng tơdrong pơyua, hơyak truh hơtŏk tơ-iung jơk, jing anih tơm kơ tơring gah Tu Tây Nguyên păng tơring dơnơm lơ̆m hơnglah 3 hơtŏk tơ-iung Việt Nam - Lào - Campuchia.

Pơma pơgơ̆r ah Hop akŏm, Phŏ Thủ tướng Trần Hồng Hà sơkơ̆t hơdah, Gia Lai đei anih dơ̆ng kăp gĭt, hơyuh tŏ ‘mi sơđơ̆ng, lơ mŭk drăm cham char, đei um ai joh ayŏ kăp gĭt. Pơkăp dêh char Gia Lai jing minh hơyak hơdah kiơ̆ trong pơkăp jang tih đơ̆ng Anih tơm Chĭnh trĭ pơm kiơ̆ tơchơ̆t hơtŏk tơ-iung dêh char Gia Lai jing um ai dơnơm gah hơtŏk mŭk drăm jơk, kơjăp sơđơ̆ng, ƀenh kơ um ai joh ayŏ kon pơlei.