Tơ̆ anih bơ̆ jang, Phŏ Thủ tướng Trần Hồng Hà chih răk tơdrong adrin, đon jang tơbăp păng dôm tơdrong jang đei đơ̆ng dôm anih tơm, anih jang kơpal, tơ ‘ngla tơmât jên jang, anih vei lăng tơdrong jang, anih iŏk jang păng khul kăn ƀô̆, công nhân, bơngai jang mưh bơ̆ jang tơdrong jang ‘nâu.

Phŏ Thủ tướng athei dôm tơring, tơ ‘ngla tơmât jên jang, anih jang, khul dăr lăng... hơnơ̆ng tơchĕng hơlen, tơlĕch jang mă ‘lơ̆ng, đei yoa dôm nơ̆r pơtho đơ̆ng Thủ tướng teh đak hăm dôm tơdrong jang pơm trong gre kơdâu hrĕnh Diễn Châu-Bãi Vọt păng chô̆ tơlei unh điên 500 kV Quảng Trạch – Quỳnh Lưu vă gơ̆h jang kĕh trŏ năr hơgăt, kơjăp ‘lơ̆ng. Tơchĕng adrol đơ̆ng rŏng kơ truh dăr lăng, Phŏ Thủ tướng vă pơgơ̆r Hop akŏm dôm anih tơm, anih jang kơpal, anih jang, tơring tơrang đei ƀơm truh găh tơdrong tơlĕch jang 2 tơdrong jang tơm kơpal vă hơnơ̆ng sek tơlang dôm tơdrong mơmat tat, tơhlăk tăk păng tơlĕch jang kiơ̆ dôm nơ̆r pơma apinh.