Tơ̆ ‘măng hop akŏm, rim bơngai tang măt hlôi tơgop nơ̆r lơ̆m dôm tơdrong đei tơrĕk truh nhen: asong tăl lơ̆m iŏk ming man, kiơ̆ pơkăp vă chih kơjă ming man; sơkơ̆t hơdah dah mă sơkơ̆t tơdrong kăl gah tơdrong ‘lơ̆ng pơgang, kơmăi kơmŏk hơmet Jĭ jăn, hoă chơ̆t, tơmam drăm sek ngĭm; tơroi tơbăt păng iŏk jên huach chih tơbang tơroi tơbăt iŏk pơm jang.

Pơma ah hop akŏm, Phŏ Thủ tướng Trần Hồng Hà pơkăl: Anih tơm jang Pơgang Hơmet jĭ jăn jang hadoi hăm Anih tơm Asong jang vă chih akŏm tơchơ̆t hơdah tơdrong trŏ tơchơ̆t đơ̆ng tơroi kơjă vă chih kơjă iŏk pơm jang. Lơ̆m noh, kăp gĭt hloh noh Jơnŭm kơpal kơ hnam pơgang athei sơkơ̆t hơdah pơkălkih thuơ̆t, tơdrong ‘lơ̆ng hăm pơgang, tơmam drăm hơmet Jĭ jăn, vă đơ̆ng noh rơih kơjă pơm jang trŏ ƀlep hloh.