Phó Thủ tướng Trần Hồng Hà hôp trư̆k tuyê̆n hăm Phó Thủ tướng teh đak Nga
Thứ tư, 15:11, 10/07/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar – Kơsơ̆ brei (9/7), Phó Thủ tướng Trần Hồng Hà, Kơdră Anih jang păih Việt Nam păng Phó Thủ tướng Nga Dmitry Chernyshenko, Kơdră Anih jang păih Nga vang pơgơ̆r hop akŏm trư̆k tuyê̆n vă pơma nuh găh dôm trong jang hơdoi đei yoa lơ̆m dôm tơdrong jang găh Anih jang hơdoi kơ 2 Khul kơdră teh đak Việt Nam-Nga mư̆h jang mŭk drăm – tĕch mơdro păng jang khoa hŏk-ki thuơ̆t.
Tơ̆ Hop akŏm, 2 ‘nu Phó Thủ tướng chă pơđou dơ̆ng dôm tơdrong jang hơdoi păng lăng năng dôm tơdrong hlôi jang đei kiơ̆ Hla ar pơkăp đơ̆ng Hop akŏm mă 24 kơ Anih jang hơdoi 2 Khul kơdră teh đak Việt Nam - Nga găh jang mŭk drăm – tĕch mơdro păng khoa hŏk – ki thuơ̆t (khei 4/2023); drơ̆ng nơ̆r vang adrin tơlĕch lơ trong jang vă pơm hơtŏk tơdrong đei yoa đơ̆ng jang hơdoi 2 pang, kiơ̆ đơ̆ng pơm lăp hăm tơdrong đei yoa kơ rim teh đak păng tơdrong pơvei, jang hơdoi gĭt kăl tôm tơdrong đơ̆ng Việt Nam - Nga.
Ƀar ‘nu Phó Thủ tướng pơma hơdăh vă pơtho ăn dôm anih tơm, anih jang kơpal kơ ƀar teh đak hơnơ̆ng jang hơdoi kơjăp vă hơmet ‘lơ̆ng ăn Hop akŏm mă 25 Anih jang hơdoi kơ 2 Khul kơdră teh đak Việt Nam - Nga vă pơgơ̆r lơ̆m sơnăm 2024 âu.
Viết bình luận