Phŏ Thủ tướng Trần Hồng Hà: Jăh tơtĕnh chih đang dôm tơdrong tơchơ̆t đơ̆ng Luơ̆t Hnam oei
Thứ tư, 00:00, 22/05/2024
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ brei (21/5), tơ̆ Anih jang Khŭl kơdră teh đak, Phŏ Thủ tướng Trần Hồng Hà pơgơ̆r ‘măng hop akŏm trực tuyến lơ̆m teh đak mơ̆ng tơroi tơbăt, ăn tơgop nơ̆r găh hla ar chih dôm Tơdrong tơchơ̆t vei sơđơ̆ng ăn tơdrong jang kiơ̆ hloi đơ̆ng rŏng kơ Luơ̆t Hnam oei đei tơmơ̆t yua.
Tơ̆ ‘măng hop akŏm, kơdră chĕp kơ̆l dôm Anih tơm, anih jang, tơring hlôi pơma dơnuh, pơm rơđăh tơdrong hơgăt găh tơdrong iŏk yua hnam oei đơ̆ng khŭl jang, rim bơngai teh đak đe păng athei vei sơđơ̆ng teh đak; lăng kiơ̆ pơjing tơdrong jang, trong tơlĕch jang hnam oei tơ̆ rim dêh char; tơdrong hrơ̆ch 1 ‘măng, tơdrong lăp đơ̆ng dôm tơdrong hơgăt găh hơmet ăn tơdrong jang tơmơ̆t jên jang pơm hnam oei hăm khôi luơ̆t teh, tơmơ̆t jên jang...
Pơtôch ‘măng hop akŏm, Phŏ Thủ tướng Trần Hồng Hà athei: Anih tơm vei lăng Ming man chih iŏk tôm nơ̆r tơgop đơ̆ng tơring, khŭl jang, anih mơdro sa vă hơmet pơ ‘lơ̆ng mơmat tat, tơhlăk tơhlĭn lơ̆m yan âu, vei sơđơ̆ng mưh tơdrong tơchơ̆t tơlĕch ăn gô bơ̆jang kiơ̆ hiôk, ‘lơ̆ng.
Viết bình luận