Hăm hơnăn  “Jang hadoi Tơplih kơsô̆ vă hơtŏk mŭk drăm kơsô̆”, Hop akŏm đei 4 tơdrong pơma đam găh: chih akŏm luơ̆t pơkăp lơ̆m pơtơm pơjing akŏm tơdrong kăl; chih akŏm tơdrong kăl kơsô̆ păng vei xơđơ̆ng kơtơ̆ng ang; tơroh, tơroi tơdrong kăl lơ̆m Chĭnh phuh kơsô̆; jơnŭm pơgơ̆r kơsô̆ păng dôm tơdrong hlôh vao lơ̆m kơpal teh păng trong hiôk vă tơplih kơsô̆ tơ̆ Việt Nam păng lơ̆m tơring. Pơma ăh Hop akŏm Phŏ Thủ tướng Trần Hồng Hà ră hơdăh, mŭk drăm kơsô̆ noh xơkơ̆t hơtŏk trong jang đơ̆ng Việt Nam. 'Nâu jing trong hiôk vă teh đak bơ̆n gơh tơplih 'nao, tơplih kăp gĭt găh trong hơtŏk tơ-iung, hơyak hơtŏk mŭk drăm tơpôl tenh păng kơjăp kơtang. Phŏ Thủ tướng ră hơdăh: Tơplih kơsô̆ kăl đei vei xơđơ̆ng tơpôl, tơchơ̆t găh kŏng ngê̆, tơchơ̆t phân mêm, vei xơđơ̆ng tơdrong chih akŏm kơ dih kon bơngai, vei xơđơ̆ng tơdrong chih kăl kơ teh đak, anih jang, kơlih âu jing tơdrong vei xơđơ̆ng tơpôl teh đak.