Phŏ Thủ tướng Trần Hồng Hà pơgơ̆r hop akŏm Jơnŭm pơgơ̆r dôm anih jang gah Vei rơgoh ‘lơ̆ng tơmam drăm xa
Thứ năm, 09:43, 04/01/2024
VOV/Lan chih tơblơ̆
VOV/Lan chih tơblơ̆
VOV4.Bahnar - “Sơnăm 2023, jâ̆p teh đak sơkơ̆t đei 125 ‘măng pơnhŭl tơmam drăm xa, pơm hloh 2,1 rơbâu ‘nu bơngai ƀơm pơnhŭl păng 28 ‘nu lôch, tơrĕk hloh noh đei ƀôh pơnhŭl kơyuơ clostridium botulinum”. ‘Nâu jing kơtơ̆ng ang ah hop akŏm Jơnŭm pơgơ̆r dôm anih jang Trung ương gah vei rơgoh ‘lơ̆ng tơmam drăm xa kơyuơ Phŏ Thủ tướng Trần Hồng Hà pơgơ̆r ah pơgê năr 3/1, tơ̆ Anih jang Jơnŭm pơgơ̆r teh đak
Tơ̆ hop akŏm, Phŏ Thủ tướng Trần Hồng Hà pơkăl: Jơnŭm pơgơ̆r jang pơtoi chă hơlen, sơkơ̆t tơdrong pơm kiơ̆ Luơ̆t vei rơgoh ‘lơ̆ng tơmam drăm xa sơnăm 2010, dôm trong pơkăp tơlĕch jang gah vei rơgoh ‘lơ̆ng tơmam drăm xa; ƀôh băt dôm tơdrong jang ‘nao hơgei, drơ̆ng minh đơ̆ng Trung ươnẻituh tơ̆ tơring; hơtŏk pran tơdrong pơkăp sơnong jang năm hadoi hăm vei trŏ tơchơ̆t asong bơngai jang.
Phŏ Thủ tướng Trần Hồng Hà ră hơdah, athei tơplih ‘nao trong jang, tơroi tơbăt hơnơ̆ng vă tơplih đon hơdral đơ̆ng dôm jăl jang, mă kăl noh tơ̆ tơring, kon pơlei băt hơdah gah tơdrong rơgoh ‘lơ̆ng tơmam drăm xa; adoi nhen lơ̆m khei năr tơm, dôm tơdrong pơm yoch gah vei rơgoh ‘lơ̆ng tơmam drăm xa.
Viết bình luận