Phŏ Thủ tướng Trần Hồng Hà sơkơ̆t hơdah, Jơnŭm pơgơ̆r păng kon pơlei Việt Nam hmach bơnê kơ sơnong jang đơ̆ng WHO lơ̆m dôm tơdrong asong jang, tơroi lơ̆m kơpal teh gah tơdrong jang pơgang, vei lăng jơhngơ̆m jăn ăn kon pơlei. Lơ̆m rim tơdrong jang, tơchơ̆t gah jang pơgang hơmet jĭ jăn, vei lăng jơhngơ̆m jăn tơ̆ Việt Nam adoi đei tơdrong yak hadoi, vang jang, tơgŭm đơ̆ng kan ƀô̆ bơngai juăt jang WHO.

Mă kăl, lơ̆m khei năr pơrang jĭ COVID-19 hơbuh hli, Việt Nam hlôi iŏk đei tơdrong tơgŭm tenh kuăng, tơtom, đei jơnei đơ̆ng WHO vă găn hloh păng đei jơnei hloh kơ pơrang jĭ. Jing 1 lơ̆m 15 teh đak đei WHO rơih vă pơtho gah kơmăi kơmŏk pơm tơlĕch vaccine mNRA, Việt Nam hơpơi ‘meh đei iŏk tơdrong tơgŭm kăp gĭt vă hơtŏk tơdrong hơlen, pơm tơlĕch vaccine, ưh hơdrô̆ tang găn păng tơjră pơrang jĭ ‘nao đei mă hăm minh ƀar tơdrong jĭ tơpoh tŏk bŏk oei ƀôh hơbuh hli dơ̆ng nhen lĕch pơsrei, jĭ lao...