Tơ̆ jơ sơng, Phŏ Thủ tướng lăng ‘lơ̆ng păng pơtrŭh nơ̆r bơnê kơ Astra Zeneca hlôi đei dôm tơdrong hơdrin tơgŭm kăp gĭt, tơtom hăm Việt Nam lơ̆m tang găn jĭ COVID-19, tơgop lơ̆m hơdrin tang găn jĭ hơbuh lơ̆m jơ̆p apŭng plĕnh teh.

Pơma dơnuh găh tơdrong jang vă pơtăm 22,5 triệu tơnơm ‘long đơ̆ng Astra Zeneca, Phŏ Thủ tướng ‘meh vă Astra Zeneca vang jang lơ̆m tơdrong jang bơ̆jang kiơ̆ Net Zero, JET tơ̆ Việt Nam đei tơdrong pơlong lăng ăn trong jang jơ̆p plei teh. Phŏ Thủ tướng kŭm hlôi pơma dơnuh găh dôm nơ̆r apĭnh đơ̆ng grŭp jang Astra Zeneca ƀơm truh pơm lăp ‘lơ̆ng tơdrong hơgăt đơ̆ng Việt Nam hăm dôm tơdrong hơgăt păng tơpă yan âu apŭng plĕnh teh lơ̆m pơm tơlĕch, pơlong lăng yan âu,asong phep tĕch pơgang, tơmam pơgang, vei lăng tín chỉ carbon bri.