Phŏ Thủ tướng Trần Hồng Hà sơng Kơdră tang măt ăn Jơnŭm jang châu Âu
Thứ bảy, 09:39, 07/10/2023
VOV/Lan tơblơ̆
VOV/Lan tơblơ̆
VOV4.Bahnar – Pơgê năr 6/10, tơ̆ Anih jang kơ Khul Kơpal teh đak, Phŏ Thủ tướng Trần Hồng Hà hlôi sơng ƀok Tibor Stelbaczky, Kơdră jang tang măt ăn Jơnŭm jang châu Âu (EU) păng ƀok Chris Taylor, Kơdră jang tang măt ăn teh đak Anh gah pơm kiơ̆ Tơchơ̆t tơplih unh hơyuh hơtŏ hơnơ̆ng (JETP).
Tơ̆ jơ sơng, Kơdră jang tang măt ăn Jơnŭm jang châu Âu hơpơi ‘meh gơh vang jang kiơ̆ dôm tơchơ̆t tơplih hơnơ̆ng vă tơlĕch dôm trong jang hơdah, tơnăp lơ̆m tơdrong pơm kiơ̆ JETP tơ̆ Việt Nam.
Phŏ Thủ tướng Trần Hồng Hà ră hơdah truh tơdrong kăp gĭt kơ tơdrong tơlĕch pơm jang hơdrol lơ̆m pơkăp JETP, đơ̆ng noh, tơgŭm ăn dôm bơngai jang kơdră, anih jang mŭk drăm, pơkăp jên hu, bơngai jang khua hŏk... hŏk hơlen, sơkơ̆t hơdah dôm ƀai hŏk, tơdrong hlôh vao vă hơmet dôm tơdrong oei tơjruh lơ̆m pơm jang.
Viết bình luận