Tơ̆ jơ xơng, Phŏ Thủ tướng Trần Hồng Hà ră hơdăh: Hăm tơdrong jrăh găh unh hơyuh rơgoh 'lơ̆ng (hnam kơmăi unh hơyuh, unh hơyuh đơ̆ng kial, unh hơyuh jơ̆ng 'năr), Lào gơh jing anih tơm găh unh hơyuh rơgoh 'lơ̆ng, tơplih jơk mă blŭng kơ tơring păng lơ̆m apŭng plenh teh. 'Nâu jing minh lơ̆m dôm tơdrong tơchơ̆t găh hơvơn rim anih axong jang khei năr anô̆ anăp kơnh. Bơnê kơ dôm tơdrong tơchơ̆t đei kĭ pơkăp đơ̆ng Viê̆n Han lâm Khua hŏk păng Kŏng ngê̆ Việt Nam hăm Anih tơm Kŏng ngê̆ păng Tơroi tơbăt Lào, Phŏ Thủ tướng Trần Hồng Hà 'meh vă 2 păh hơtŏk jang hadoi, pơhrăm găh kŏng ngê̆ vă 2 teh đak atŭm pơm kiơ̆ tơplih kơsô̆, tơplih jơk lơ̆m khei năr hrôih hloh. Lơ̆m pơtho pơhrăm, hơtŏk bơngai jang, Phŏ Thủ tướng pơkăl: Anih tơm Kŏng ngê̆ păng Tơroi tơbăt Lào kăl xơkơ̆t hơdăh tơdrong kăl, jang atŭm hăm Viê̆n Han lâm Khua hŏk păng Kŏng ngê̆ Việt Nam chih akŏm tơdrong jang kơ Jơnŭm pơgơ̆r teh đak, pơjing tơdrong kơjăp vă atŭm jang hadoi, yak hadoi hăm Việt Nam lơ̆m jăl trong tơplih 'nao.