Tơroi lơ̆m jơ bơ̆ jang, Phŏ Kơdră tơm vei lăng Khoa hŏk păng kơmăy kơmŏk rơgei Lê Xuân Định tơroi, truh dang ei, tơdrong hơgăt đơ̆ng luơ̆t găh Khoa hŏk kơmăy kơmŏk rơgei đei yoa ‘lơ̆ng păng tơdrong pơchĕh ‘nao hlôi đei chih hơmet vă ‘lơ̆ng bơih, hăm 8 kơ luơ̆t đei ƀơm truh. Anih tơm hlôi chih pơjing, tơroi ăn Thủ tướng tĕh đak tơlĕch Trong jang gĭt kăl vă atŏk tơiung khoa học kơmăy kơmŏk rơgei, đei yoa ‘lơ̆ng păng tơdrong pơchĕh ‘nao truh sơnăm 2030 hăm tơdrong tơm ‘nŏh hơnhăk khoa hŏk kơmăy kơmŏk rơgei đei yoa ‘lơ̆ng păng tơdrong pơchĕh ‘nao jing jơhngâm pran vă jang tŏk. 

Tơ̆ jơ bơ̆ jang, Phó Thủ tướng Trần Lưu Quang drơ̆ng nơ̆r kăl đei 1 trong jang gĭt kăl ăn khoa hŏk kơmăy kơmŏk rơgei, đei yoa ‘lơ̆ng păng dôm bơngai jang khoa hŏk kơmăy kơmŏk, pơma hơdăh athei chih pơkĕh luơ̆t pơyoa ăn tơdrong vei lăng tĕh đak păng atŏk tơiung khoa hŏk kơmăy kơmŏk rơgei, đei yoa ‘lơ̆ng. Atŏk tơiung păng tơmât yoa ‘lơ̆ng Khoa hŏk kơmăy kơmŏk păng tơdrong pơchĕh ‘nao vă pơm jơhngâm jang tŏk pran, jang đei tơmam ‘lơ̆ng, hơtŏk tơdrong đei yoa, tưk tơiung kơsư̆k pơjei đơ̆ng anih jang mŭk drăm.