‘Nâu jĭ hop akŏm mă blŭng đơ̆ng Anih pơgơ̆r jang kơ teh đak vă pơma nuh găh dôm tơdrong jang đei ƀơm truh tơdrong tơlĕch jên jang ODA, tơdrong kĭ tơlĕch jên ăn dôm tơdrong jang kăl, kŭm nhen vei lăng, iŏk yoa jên ODA tơ̆ hơnăp kơnh. Phó Thủ tướng Trần Lưu Quang bơnê dôm anih tơgŭm, anih jang hơdoi hlôi ‘măn lơ tơdrong tơgŭm ăn Việt Nam khei ‘năr âu ki.

Mă lei, akŏm đĭ đăng jên asong tŏk iŏk đơ̆ng dôm tơdrong jang ODA ‘măn ăn Việt Nam oei tŏ sĕt ƀiơ̆ tôch lơ pơting hăm dôm teh đak lơ̆m tơring, lăp dang 1/4 kơ teh đak Campuchia, 1/11 kơ teh đak Philippines păng 1/12 kơ teh đak Indonesia. Phó Thủ tướng oei tơroi truh tơdrong tơlĕch jên ODA tôch hiơ̆, hăm dang 50% kơsô̆ jên đei tơlĕch đơ̆ng 2021-2025. Tơ̆ hơnăp kơnh, Phó Thủ tướng Trần Lưu Quang hơpơi ‘mĕh dôm anih jang tơgŭm đei trong jang lăp ‘lơ̆ng, vei lăng gơ̆h hơgei vă tơlĕch jang hiôk ƀiơ̆; đei trong tơgŭm, pơ ‘nhŏ hơdrol ăn dôm tơdrong kăl tơ̆ Việt Nam.