Phŏ Thủ tướng teh đak bơ̆n Trần Lưu Quang chơt hơ-iă ah Năr akŏm tôm kon pơlei vei sơđơ̆ng tơpôl teh đak phương An Lạc, thĭ xah Buôn Hồ đei pơgơ̆r tơnăp hăm lơ tơdrong jang kăp gĭt, hơvơn đei lơ kon pơlei vang jang.

Phŏ Thủ tướng teh đak bơ̆n pơkăl, khei năr truh, dêh char Đăk Lăk pơma atŭm păng phương An Lạc pơma hơdrô̆, kăl pơtoi pơm jang tơnăp, tơtom, đei jơnei dôm pơgơ̆r jang đơ̆ng Trung ương gah pơjing tơdrong jang Tôm kon pơlei vei sơđơ̆ng tơpôl teh đak. Kiơ̆ đơ̆ng noh, pơm ăn tơdrong jang roi năr roi hơtŏk hloh, đei jơnei hăm tơdrong pơlan să kơtang hăm dôm trong jang 'lơ̆ng. Atŭm hăm noh, hơvơn jơhngơ̆m pran kơ tôm anih jang chĭn trĭ păng tôm kon pơlei vei sơđơ̆ng tơpôl, pơjing tơdrong hơrih sơđơ̆ng, jơnap ăn kon pơlei.