Tơroi ah jơ pơm jang ăn ƀôh, tơdrong hơtŏk mŭk drăm ah blŭng sơnăm kơ 3 tơring adoi đei ƀôh hơ-iă. Dôm tơdrong jang tŏk bŏk oei hơtŏk sơđơ̆ng, tơ̆ dôm anih jang mŭk drăm, kơsô̆ năr pơm jang lơ̆m khei hlôi tŏk lơ hloh pơtêng hăm khei năr âu sơnăm sơ̆. Kơdră kơ 3 tơring pơtruh nơ̆r, Jơnŭm pơgơ̆r teh đak păng rim anih jang pơklaih tơnap tap gah  trong jang nhen pơjao teh, ăn thuê teh hăm dôm tơdrong jang tơ̆ jih đak dơsĭ hlôi đei pơjao; dôm tơdrong tơhlăk tơhlĭn gah pơkăp pơm asong ming man hnam oei tĕch pơdro...

Sơkơ̆t pơtôch ‘măng pơm jang, Phŏ Thủ tướng Trần Lưu Quang ăn tơbăt, lơ nơ̆r pơtruh đơ̆ng dôm tơring gah pơklaih tơnap tap tơhlăk tơhlĭn hlôi đei Jơnŭm pơgơ̆r teh đak păng dôm anih jang sek tơlang. Pơkăl rim tơring đơ̆ng tơdrong tơlĕch jang ăn dôm anih jang trung ương sek tơlang mă tơnăp trŏ ƀlep.