Hla ar chih găh tơdrong Chĕng hơmet tơlech đon pơhnŏng truh sơnăm 2030, lơ̆m teh đak đei 173 tơnŏk duk chơ chuĕn ka hơdang. Tơring đak dơsĭ găh Tơring Tŏk bŏk (đơ̆ng Quảng Trị truh Bình Thuận) jĭ anih gô akŏm đei Tơnŏk duk chơ chuĕn ka hơdang lơ hlŏh lơ̆m teh đak, hăm 82 tŏ tơnŏk. Jơ̆p lơ̆m teh đak kŭm đei 160 anih ăn ƀato jang xa mât dơ̆ng vă kơ ‘nơp kơ ‘mi kial, pơm lăp ăn tơdrong ‘mĕh mât dơ̆ng ăn hlŏh 90.000 tŏ ƀato jang xa.

Pơma pơtôch hop akŏm, Phó Thủ tướng Trần Lưu Quang pơma truh 1,2 tơdrong kăl lơ̆m tơdrong chih pơjing trong jang, blŭng a ’nŏh athei Tơproh hơmet mă lăp hăm dôm tơdrong tơprŏh hơmet trong jang oei đei dang ei; dôm tơdrong tam mă lăp athei jăh tơlĕch trong hơmet ming hloi. Lơ̆m noh, tơproh trong chĕng hơmet athei sek tơlang đei dôm tơdrong tam mă lăp hrei ‘nâu hai, athei tơchĕng truh dôm trong jang tŏk ning mônh kơnh hai nhen: tơplih hăm kơmăy sô̆, tơjră hăm tŏ ‘mi kial tơplih.