‘Nâu jĭ khŭl nghị sỹ châu Âu mă 3 năm ngôi, bơ̆jang tơ̆ Việt Nam jô̆ đơ̆ng blŭng sơnăm truh dang ei, tơƀôh tơdrong lăng kăl đơ̆ng Jơnŭm châu Âu hăm tơdrong hơtŏk loi dơ̆ng tơdrong pơvei jang hơdai lơ trong hăm Việt Nam.  Tơ̆ jơ sơng, Phŏ Thủ tướng Trần Lưu Quang pơma hơdăh Việt Nam tôch kơ lăng kăl păng ‘meh vă pơtrŭt tơdrong pơvei hăm Jơnŭm châu Âu.

Phŏ Thủ tướng ‘meh vă 2 păh tŭn pran jang hơdai lơ̆m dôm tơdrong jang, mă loi ‘noh jĭ dôm tơdrong jang tŏk bŏk jing trong jang tơgŭm kơ apŭng plĕnh teh păng EU đei tơdrong pran nhen hơtŏk tơiung rơgoh, hơtŏk tơiung kơ jăp ‘lơ̆ng, ŭnh hơyuh rơgoh, tơ jră hăm tơplih tŏ ‘mi kial…, kiơ̆ đơ̆ng noh tơgop pơtrŭt tơdrong pơvei jang hơdai tôm tơdrong Việt Nam-EU hơtŏk tơiung roi ‘năr roi jrŭ să, hơdăh ‘lơ̆ng. Phŏ Thủ tướng athei Anih jang châu Âu jăh hŭt lê̆ the dreng hăm tơmam ka hơdang đơ̆ng Việt Nam kiơ̆ lơ̆m hơlen lăng ‘lơ̆ng găh dôm tơdrong hơdrin ‘lơ̆ng păng tơ pă đơ̆ng Việt Nam lơ̆m tơdrong tơ jră rôp yâu ka hơdang glăi khôi luơ̆t.