Tơ̆ dôm tơring kon pơlei Chăm arih xa đĭ xăh jang đei tơring tơrang ‘nao ngăl, đei trong gre tih mât truh tơ̆ tŏk bŏk xăh, đĭ đăng tơring kon pơlei Chăm đei unh điên, đei hnam pơgang, đei hnam hŏk hôp tơpôl, đei hnam trưng. Jên jang xa đei đơ̆ng kon pơlei Chăm roi lơ ƀiơ̆ păng kơsô̆ unh hnam tơnuh kŭm roi jur pơting hăm kơsô̆ jô̆ păh lăp lơ̆m dêh char Ninh Thuận.

Tơ̆ jơ tơƀâp, Phó Thủ tướng Trần Lưu Quang hơpơi ‘mĕh đe ƀok pơtho lui hơnơ̆ng jing bơngai jang tơm lơ̆m tơdrong krao hơvơn kon pơlei kiơ̆ lui jang kiơ̆ dôm trong jang đơ̆ng Đảng, teh đak, chĕp vei, tưk tơiung dôm tơdrong jŏh ayŏ kơ dŏ xoang ‘lơ̆ng hơiă đơ̆ng sơ̆, tơgop pơm pơ ‘lơ̆ng hloh dơ̆ng tơdrong jŏh ayŏ kơ dŏ xoang kơ dôm hơdrĕch hơdrung Việt Nam. Phó Thủ tướng tơchĕng ‘lơ̆ng tơdrong tơgop đơ̆ng kon pơlei kiơ̆ lui khop tơ̆ tơring Chăm lơ̆m dêh char Ninh Thuận ‘nŏh jĭ tơdrong tơgop tôch đei yoa ăn tơdrong jang tŏk tơ̆ tơring păng lơ̆m teh đak.