Tơ̆ jơ sơng, Phŏ Thủ tướng Trần Lưu Quang hmach chơt hơiă kơ dôm jơnei iŏk đei đơ̆ng Đảng kon pơlei Cách mạng Lào kon pơlei dôm hơdrĕch hơdrŭng Lào lơ̆m tơdrong jang hơtŏk tơiung mŭk drăm -tơpôl; pơma hơdăh, tơdrong pơvei đơ̆ng 2 Đảng, 2 teh đak păng Kon pơlei 2 teh đak tŏk bŏk hơtŏk ‘lơ̆ng hơiă. Phŏ Thủ tướng lui ngeh, ‘măng năm ngôi bơ̆jang ‘măng âu đơ̆ng khŭl gô tơgop pơm ‘lơ̆ng hloh dơ̆ng tơdrong pơvei jang tơbôl pran kơtang, 1 jơhngơ̆m đon gĭt kăl, jang hơdai tôm tơdrong Việt Nam-Lào.

Phŏ Thủ tướng athei, tơ̆ hơnăp kơnh, 2 Anih tơm Nội vụ 2 teh đak kăl kơ jang hơdai kơjăp hloh dơ̆ng lơ̆m bơ̆jang kiơ̆ dôm tơdrong drơ̆ng nơ̆r jang hơdai đơ̆ng 2 anih jang; hơdrin tơlĕch jang dôm tơdrong jang nhen: Tơchĕng hơlen pơjing Luơ̆t, vei lăng Teh đak; pơma dơnuh khŭl gĭt kăl đơ̆ng 2 Anih tơm, pơtho pơhrăm kang ƀô̆ jang; vang tơroi tơdrong hlôh vao pơjing tơdrong hơgăt, tơchơ̆t ƀơm truh khŭl kơdră tơring.