Pơma tơ̆ hop akŏm, Kơdră chĕp kơ̆l Radio nơ̆r pơma Việt Nam Đỗ Tiến Sỹ pơma hơdăh, lơ̆m tơdrong jang tŏk VOV jĭ anih roi tơbăt tơm kơ teh đak, hăm 7 Kênh pơre nơ̆r, 17 Kênh pơdăh tivi, Ƀăo in păng ƀăo điên tư, Radio nơ̆r pơma VN jĭ anih roi tơbăt hăm lơ kơmăy kơmŏk, đei lơ tơdrong roi tơbăt lơ̆m kơmăy sô̆. 

Tơ̆ hop akŏm, Phó Thủ tướng Trần Lưu Quang pơma hơdăh, tơbăt 99 sơnăm Năr Hla ar tơroi kăch mang Việt Nam jĭ tơdrong tôch gĭt kăl hăm khul chih hla ar tơroi, yoa thoi noh athei đei hơnăp jang pơjing păng atŏk tơiung tơdrong chih hla ar tơroi kăch mang. Kiơ̆ trong Tơproh jang ăn Hla ar tơroi, hla ar tơroi oei mât lơ̆m khei ‘năr tơplih kơsô̆, athei đei trong hơyak mă kơchăng. ‘Ngoăih kơ hơnăp đơ̆ng Khul kơdră teh đak, dôm anih chih hla ar tơroi athei yak hlŏh pơmat tat đơ̆ng kơdih. Hmach thơ thou ăn dôm anih chih hla ar tơroi hơnơ̆ng đei jơhngâm đon tơpăt ‘lơ̆ng, gơ̆h hơgei, đei ƀĕnh jơhngâm pran vă hơnơ̆ng yak tŏk lơ̆m jăl trong oei đei lơ pơmat tat tơ̆ hơnăp.