Kiơ̆ tơdrong tơchơ̆t đơ̆ng Thủ tướng teh đak kĭ ăn tơdrong Tơproh trong jang kơ dêh char Lâm Đồng, truh sơnăm 2030, Lâm Đồng jing dêh char jang tŏk pran rim tơdrong; pơjing Đà Lạt păng tơring jŭm dăr jing anih chă tơmang lăng ‘lơ̆ng rŏ kơ teh đak păng lơ̆m Tơring Đông Nam Á, jĭ anih tơm pơtho pơhrăm, tơplih ‘nao rơgei.

Lơ̆m noh, jang tŏk GRDP jô̆ păh lăp đơ̆ng 8,5-9% 1 sơnăm, iŏk yoa jô̆ kiơ̆ kơ̆l bơngai đei 170 triu 1 sơnăm, kơsô̆ unh hnam tơnuh lơ pang jur đơ̆ng 1-1,5%... Trong vă jang truh sơnăm 2050, jang đei dôm tơdrong hơgăt vă tŏk jing plt găh Trung ương gơ̆h hơgei, ‘lơ̆ng rŏ păng tơgăl kơ truh arih.

Lơ̆m ‘năr 23/6 mơ̆n, Phó Thủ tướng Trần Lưu Quang vang truh pơm lêh roi tơbăt hơtŏk Cham gre păr Liên Khương (Lâm Đồng) jing cham gre păr apŭng plenh teh. Đơ̆ng 2021-2030, Cham gre păr Liên Khương đei chĕng hơmet jing cham gre păr 4E păng cham gre păr khul linh tăl II. Kĕ sơng iŏk dang 5 triu ‘nu tơmoi păng 20.000 tân tơmam 1 sơnăm.