Pơ jao asong păng pôk hơ păh hơnăn “Sơnăm mơ lôh nuih mơng” ăn 5 ‘nu kang ƀô̆, khŭl lĭnh tơ̆ Dak Lak
Thứ tư, 14:43, 14/06/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Năr 13/6, khŭl bơ̆jang kơ Trung ương Đoàn hơdruh tơdăm Cộng sản Hồ Chí Minh hlôi năm ngôi, pơ jao asong păng pôk hơ păh hơnăn “Sơnăm mơ lôh nuih mơng” ăn kơ 5 ‘nu kang ƀô̆, khŭl linh kŏng an đei jĭ rơka păng lôch lơ̆m ‘măng đei ƀôh tơdrong tơ̆ apŭng Cư Kuin, dêh char Dak Lak ‘năr 11/6 âu ki.
Kiơ̆ kơ ‘noh, khŭl bơ̆jang kơ Trung ương Đoàn hlôi năm tơ̆ hnam pơgang đa khoa tơring Tây Nguyên vă apĭnh jet gia jơhngơ̆m jăn păng pơ jao asong Hơnăn “Sơnăm mơ lôh nuih mơng” ăn kơ 2 ‘nu kang ƀô̆, khŭl linh tŏk bŏk hơmet jĭ rơ ka ‘noh: thượng úy Đàm Đình Bốp păng đại úy Lê Kiên Cường, bơ̆jang tơ̆ Kŏng an xăh Ea Ktur, apŭng Cư Kuin.
Hơdai hăm ‘noh, khŭl kŭm năm ngôi, pơ lung ŭnh hnam păng pôk hơpăh hơnăn “Sơnăm mơ lôh nuih mơng” ăn kơ 3 ‘nu bơngai nai ‘noh: đại úy Nguyễn Đăng Nhân, bơ̆jang tơ̆ Kŏng an xăh Ea Ktur; thiếu tá Trần Quốc Thắng păng đại úy Hà Tuấn Anh, bơ̆jang tơ̆ Kŏng an xăh Ea Tiêu. ‘Nâu jĭ dôm kang ƀô̆ khŭl linh hlôi jĭ rơka ƀơ̆t kơ plăh bơ̆jang vei lăng sơđơ̆ng tơ̆ apŭng Cư Kuin, dêh char Dak Lak lơ̆m ‘năr 11/6 âu ki.
Viết bình luận