Jơnŭm kơchơ pơdă tơƀôh đei 380 kơdeng, hăm tơdrong vang akŏm đơ̆ng 180 anih jang, anih mơdro sa, lơ̆m noh đei tơdrong vang akŏm đơ̆ng tang măt 30 dêh char, pơlei tơm lơ̆m teh đak. Jơnŭm kơchơ pơdă tơƀôh dôm tơmam OCOP, tơmam kơmăy kơmŏk tơring tơrang ‘lơ̆ng, dôm tơmam ‘lơ̆ng hơdrô̆ đơ̆ng dôm dêh char, pơlei tơm păng dôm tơmam pơyua ăn pơm tơlĕch, răt yua.

Jơnŭm kơ chơ kŭm jing hơnih roi tơƀôh dôm jơnei mŭk drăm, joh ayŏ - tơpôl, dôm tơmam pran, trong jang tơgŭm tơmơ̆t jên jang đơ̆ng dôm dêh char lơ̆m tơring. Kiơ̆ đơ̆ng noh, hơtŏk loi dơ̆ng tơdrong jang hơdai hơtŏk tơiung mŭk drăm -tơpôl đơ̆ng dôm dêh char lơ̆m tơring păng dôm tơring lơ̆m teh đak; tơgŭm anih mơdro sa, bơngai tơmơ̆t jên jang lơ̆m tơring kŭm nhen lơ̆m teh đak tơgoăt jang hơdai, pơtrŭt mơdro sa, tơmơ̆t jên jang, hơtŏk tơdrong jang mơdro sa đơ̆ng dôm anih mơdro sa lơ̆m, ‘ngoăih tơring.