Kiơ̆ tơdrong pơgơ̆r hop akŏm, Khul kơdră chĕp pơgơ̆r Kuô̆k hô̆i tơgop nơ̆r găh mĭnh ƀar trong jang tih tơl hơdăh, tơgoăt iŏk, hơmet ming, pơm pơkeh rim tơdrong vă jang: Khôi luơ̆t tơchă bơngai iŏk jang (hơmetming); Khôi luơ̆t kơjă (hơmetming); Khôi luơ̆t Hơp tak xah (hơmet ming); Khôi luơ̆t vei lăng tơdrong đei iŏk yua ăn bơngai răt yua (hơmet ming); Khôi luơ̆t Vei lăng năng tông sơđơ̆ng; Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Kŏng ang kon pơlei; Khôi luơ̆t hơmet ming, tơmơ̆t dơ̆ng mĭnh ƀar apăng Khôi luơ̆t mơ̆t lĕch kơ kon pơlei Việt Nam păng Khôi luơ̆t mơ̆t lĕch, oei kơ bơngai teh đak đe tơ̆ Việt Nam; Khôi luơ̆t tĕch mơdro kiơ̆ kmăi kmŏk điên tư (hơmet ming).

Ăn tơgop nơ̆r găh trong vă pơjing Tơdrong tơchơ̆t găh tơdrong pơjao hơnăn tơdrong jang păng kon jên jang ăn rim tơdrong jang, tơdrong vă jang găh Tơdrong jang hơmet pơ ‘lơ̆ng păng atŏk tơ iung mŭk drăm-tơpôl; pơjao, hơmet ming, tơmơ̆t dơ̆ng trong pơprŏ jang teh đak tơmơ̆t jên jang hăm kon jên đơ̆ng Trung ương jăl jang 2021 - 2025 păng klăh asong kon jên tơmơ̆t jang Trung ương sơnăm 2023 kơ Tơdrong jang tơm teh đak păng lơ tơdrong jang anai.