Iung pơma pơgơ̆r blŭng a hop akŏm, Kơdră chĕp pơgơ̆r Kuô̆k hô̆i Trần Thanh Mẫn tơbăt, atŭm hăm tơdrong hơmet pơ ‘lơ̆ng khul kơdră, sơđơ̆ng hơnih jang lăp đơ̆ng rŏng khôi luơ̆t, Tơdrong tơchơ̆t đei Kuô̆k hô̆i pơdrơ̆ng kiơ̆ tơ̆ ‘Măng hop akom hăt hot ‘măng mă 9, rim hơnih bơ̆ jang hlôi akŏm kơtang, iung jang kiơ̆ jơnei trong pơprŏ jang sơđơ̆ng ‘lơ̆ng hơ iă, mă kăl hlôi tơtom hơmet ăn tôm tong hô sơ, hla bơar rim tơdrong pơtruh ăn Khul kơdră chĕp pơgơ̆r Kuô̆k hô̆i lăng hơlen, ăn tơgop nơ̆r tơ̆ ‘măng hop akŏm ou. ‘Măng hop akŏm ou Khul kơdră chĕp pơgơ̆r Kuô̆k hô̆i ăn tơgop nơ̆r găh tơdrong tơblang hơdăh, tơgoăt iŏk hơmet pơ ‘lơ̆ng hăm 3 tơdrong vă jang khôi luơ̆t hơdrol ăn tơgop nơ̆r tơ̆ Hop akom khul kơdră tang măt Kuôk hô̆i tơdăh kăl păng pơtruh ăn Kuô̆k hô̆i pơdrơ̆ng kiơ̆ tơ̆ ‘măng hop akom mă 9 truh ou kơnh đei: tơdrong vă pơjing Khôi luơ̆t Thuê̆ tĕch răt kăl (hơmet ming), hrei ou hơnih mơdro sa lăng kơjăp truh tơdrong ou; tơdrong vă jang pơjing Khôi luơưt Thuê̆ jang sa iŏk đei hơnih mơdro sa (hơmet ming); tơdrong vă pơjing Khôi luơ̆t vei lăng păng tơmơ̆t jên jang tĕh đak tơ̆ hơnih mơdro sa teh đak…