Tơ̆ hop akŏm au, Trung ương pơma dơnuh păng ăn tơgop nơ̆r nơ̆r pơma pơtôch găh rim tơdrong tơ̆ hơla au: Tơdrong mŭk drăm-tơpôl, kon jên jang teh đak sơnăm 2023, trong pơprŏ jang sơnăm 2024; Pơprŏ jang jên hu-kon jên jang teh đak 3 sơnăm 2024-2026 păng trong jang kiơ̆ kon jên khei hle; Hop akom pơtôch 10 sơnăm jang kiơ̆ Tơdrong tơchơ̆t Trung ương 5 jăl XI găh minh ƀar tơdrong jang tơgŭm djru tơpôl jăl jang 2012 – 2020; Hop akŏm pơtôch 20 sơnăm jang kiơ̆ Tơdrong tơchơ̆t Trung ương 7 jăl X găh tơ iung pơjing khul hŏk jrŭ lơ̆m chăl atŏk kơtang jang kmăi kmŏk teh đak; Hop akŏm pơtôch 10 sơnăm jang kiơ̆ Tơdrong tơchơ̆t Trung ương 8 jăl XI găh Trong jang vei lăng teh đak lơ̆m chăl hle; Pơ prŏ Khul kơdră chĕp pơgơ̆r Trung ương Đảng jăl XIV; păng mĭnh ƀar tơdrong kăl anai.  

Iung pơma tơ̆ pơgơ̆r blŭng hop akom, Tổng Bí thư Nguyễn Phú Trọng athei Trung ương păng rim Kơdră vang năm Hop akŏm iung jang đĭ jơhngơ̆m đon hlôh vao, atŏk kơtang hơnăp jang tơnăp, akŏm chă tơchĕng, pơma dơnuh mă hơlen, ăn tơgop nơ̆r vă pơm pơkeh Hla bơar tơbăt tơdrong jang, trong vă jang păng lăng hơlen, tơchơ̆t lơ̆m hơtuch ‘măng hop akŏm. Tơchĕng hơlau, hop akŏm au gô pơgơ̆r truh năr 8/10.