Dôm tơring vang truh akŏm trực tuyến găh chă tơdrong jang ‘noh đei: Ninh Bình, Bắc Giang, Bắc Ninh, Hải Phòng, Thái Nguyên, Phú Thọ, Bắc Kạn, Lạng Sơn. Tơ̆ ‘măng akŏm âu đei hloh 160 anih mơdro sa vang chă iŏk vă jê̆ 28 rơbâu ‘nu bơngai jang. Lơ̆m noh, anih mơdro sa găh tơdrong jang pơm tơlĕch đei kơ sô̆ lơ hloh 50% uơ oei dơ̆ng găh tơdrong jang nai: mơdro sa pơvih pơvăn, gre kơdâu, pơtho pơhrăm, tơmang lăng.

‘Meh chă bơngai jang đei hŏk kkao đăng, đăi hŏk tơ̆ kơpal đei vă jê̆ 27%. ‘Meh chă bơngai jang hmă đei hŏk trung cấp, kŏng nhân ki thuơ̆t đei kơ sô̆ 42%. ‘Meh chă bơngai jang đei hŏk phô thŏng ‘noh hloh 31%. Tơdrong hiôk tơdrong jang tơ̆ ‘măng pơgơ̆r tơdrong jang akŏm gah lơ hloh lơ̆m grŭp 18 - 25 sơnăm.