‘Moi kiơ̆ Hop akŏm, Khŭl pơgơ̆r ‘meh vă dôm bơngai joăt jang vang hơdai băl tơblang hơdăh găh tơdrong Biển Đông păng tơring, pơm rơđăh dôm tơdrong pơkăp hơmet ming atŭm, băt hơdăh dôm trong jang tơgŭm pơtrŭt jơhngơ̆m đon lui păng jang hơdai, pơm hơdăh dôm tơdrong pơm đei ƀơm ưh kơ ‘lơ̆ng truh tơdrong sơđơ̆ng kiơ̆ lơ̆m khôi joăt păng tŏk tơdrong kơhret.

Hop akŏm kŭm akŏm pơma dơnuh găh trong jang vă rim khŭl lĭnh tơ̆ đak dơ sĭ păng dôm trong jang lơ̆m tơring tơgop pơjing, yak truh tơdrong hơgăt yua kơ 1 Biển Đông rơngei hloh. Hop akŏm apŭng plĕnh teh găh Biển Đông ‘măng mă 15 đei 8 ‘măng pơma dơnuh găh dôm hơnăn, nhen: Dôm teh đak tih păng dôm hơnăp jang tih - jang hơdai păng vang arih hơdai lơ̆m khei ‘năr pơjei băl roi tŏk; trong gơh jang lơ pang găh Biển Đông; tơdrong khôi luơ̆t ăn iung jang trŏ ƀlep; hơnăp jang đơ̆ng kanh sat đak dơ sĭ lơ̆m hơtŏk loi dơ̆ng jang hơdai tơ̆ Biển Đông…