Tơ̆ Hop akŏm, dôm bơngai tang măt pơma dơnuh, drơ̆ng nơ̆r tơlĕch trong bơ̆jang kơ tơring ăn jăl jang ‘nao, hơdai hăm pơtrŭt jang hơdai, trong jang hơdai păng tơroi băl tơdrong hlôh vao đơ̆ng rim Grŭp teh đak lơ̆m tơdrong bơ̆jang hơnăp jang ‘mêm mơnat. Iung pơma tơ̆ jơ pơgơ̆r blŭng a.

Phŏ Thủ tướng Trần Lưu Quang pơma hơdăh, tơdrong vang jang hơdrin kơchăng păng đei jang tơnăp đơ̆ng Việt Nam hăm tơdrong jang ‘Long pơglang ƀrê, Rang khei tơƀang ƀrê apŭng plĕnh teh. Phŏ Thủ tướng Trần Lưu Quang kŭm athei, Khŭl kơdră dôm teh đak, khŭl jang apŭng plĕnh teh, tơring păng dôm pang ƀơm truh hơnơ̆ng ‘măn tơdrong tơgŭm hơdrol ‘lơ̆ng păng lơ jên hloh dơ̆ng ăn dôm tơdrong jang ‘mêm mơnat. Hơdai hăm ‘meh vă dôm tơdrong jang ‘mêm mơnat apŭng plĕnh teh akŏm lơ hloh dơ̆ng ăn tơdrong tang găn, tơ jră đei yua hăm ‘long nol sơđơ̆ng ưh kơ tam ƀyơh đei, hơmơt gô ƀơm ưh kơ ‘lơ̆ng kơtang truh rim teh đak.