Hop akŏm Nghị sĩ mơlôh jơ̆p plei teh ‘măng mă 9 yua đơ̆ng Kuôk hô̆i Việt Nam iŏk pơgơ̆r, đei pơgơ̆r tih hloh đơ̆ng sơ̆ truh dang ei, hăm 500 ‘nu bơngai tang măt vang akŏm, lơ̆m noh đei hloh 300 ‘nu bơngai tang măt apŭng plĕnh teh. Jơ pơgơ̆r Hop akŏm pơgơ̆r lơ̆m pơ gê hei, đơ̆ng rŏng ‘noh jĭ 2/3 jơ pơma dơnuh tơm găh Tơplih kơ sô̆ păng Tơplih ‘nao pơcheh hơgei - Tơiung pơjing tơdrong jang sa, vă tơlĕch ăn dôm tơdrong jang tơgŭm păng trong jang, yak truh tơdrong tơm ưh kơ đei bu hŭt kơ chăng tơ̆ rŏng lơ̆m hơnih kơmăy kơ sô̆, kŭm nhen pơtrŭt tơplih ‘nao pơcheh hơgei păng tơiung pơjing tơdrong jang sa, pơm tơdrong ‘lơ̆ng ăn tơdrong hơtŏk tơiung tôm păng kơjăp.

Kiơ̆ đơ̆ng tơdrong jang lơ pang gĭt kăl âu tơgop sơkơ̆t hơdăh tơdrong jang ‘lơ̆ng, đei jang tơnăp păng kơchăng đơ̆ng Việt Nam lơ̆m IPU - pơ gơ̆r lơ nghị viện tih hloh apŭng plĕnh teh; hơdai hăm ăn ƀôh tơdrong lăng kăl, gĭt kăl đơ̆ng Việt Nam hăm hơdruh tơdăm păng dôm tơdrong atŭm jơ̆p plei teh đơ̆ng khŭl mơ lôh hrei ‘nâu.