Lơ̆m 3 năr bơ̆jang Anih chĕp kơ̆l pơgơ̆r Quôc hô̆i gô ăn tơgop nơ̆r păng set hơlen, pơ drơ̆ng kiơ̆ lơ tơdrong gĭt kăl. Tơ̆ ‘măng hop akŏm Anih chĕp kơ̆l pơgơ̆r Kuôk hô̆i ăn tơgop nơ̆r găh tơdrong pơtôch, dăr hơlen tơdrong bơ̆jang kiơ̆ Tơchơ̆t liên tịch 525 đơ̆ng Anih chĕp kơ̆l pơgơ̆r Kuôk hô̆i jăl 13 găh tơdrong tơƀơ̆p pơma dơnuh hăm bơngai tăh hla đơ̆ng bơngai tang măt Kuôk hô̆i. Kăl kơ lăng truh, tơ̆ ‘măng hop akŏm ‘măng âu, Anih chĕp kơ̆l pơgơ̆r Kuôk hô̆i ăn tơgop nơ̆r găh Luơ̆t trong nơnăm păng Luơt sơđơ̆ng trong nơnăm; Pơtôch ‘măng hop akŏm mă 5 păng tơgop nơ̆r yak blŭng găh tơdrong hơmet ăn ‘măng hop akŏm mă 6 kơ Kuôk hô̆i jăl 15.

Hơdai hăm ‘noh, Anih chĕp kơ̆l pơgơ̆r Kuôk hô̆i set hơlen, pơ drơ̆ng kiơ̆ hla ar chih tơchơ̆t găh tơdrong proh hơmet dôm anih jang hành chính tơ̆ apŭng, tơ̆ xăh jăl jang 2023 – 2030. Ƀơm truh tơdrong jang dăr hơlen, tơ̆ ‘măng hop akŏm âu, Anih chĕp kơ̆l pơgơ̆r Kuôk hô̆i mơ̆ng tơ roi tơbăt găh pơ tôch dăr hơlen yak blŭng găh tơdrong jang dăr hơlen đơ̆ng Anih chĕp kơ̆l pơgơ̆r Kuôk hô̆i găh tơplih ‘nao tơdrong pơtho hŏk, hla ar hŏk phổ thông”.