Pơgơ̆r lơ̆m 2 năr, tơ̆ ‘măng hop akŏm âu, Anih chĕp kơ̆l pơgơ̆r Kuôk hô̆i ăn tơgop nơ̆r hăm dôm Luơ̆t gô đei pơtruh ăn Kuôk hô̆i tơ̆ ‘Măng hop akŏm mă 7 vă set hơlen ‘măng mă blŭng. 5 Luơ̆t đei ăn tơgop nơ̆r tơ̆ ‘măng hop akŏm tơdrong jang khôi luơ̆t ‘măng âu ‘noh: Luơ̆t Công chứng (hơmet tơplih ming); Kuơ̆t Công đoàn (hơmet tơplih ming); Luơ̆t tang găn tĕch mơdro bơngai (hơmet tơplih ming); Luơ̆t vei lăng iŏk yua phao kơtoang, chơ ngoi đôh păng tơmam tơgŭm (hơmet tơplih ming) păng Luơ̆t đĭ đăng kon pơlei vang vei lăng sơđơ̆ng tơ̆ rơvơ̆ng plĕnh.

Kiơ̆ Kơdră Kuôk hô̆i Vương Đình Huệ, Luơ̆t đĭ đăng kon pơlei vang vei lăng sơđơ̆ng tơ̆ rơvơ̆ng plĕnh ‘noh jĭ Luơ̆t ‘nao, chih tơƀôh hơdăh đon tơchĕng đơ̆ng Đảng găh trong jang gĭt kăl vei lăng teh đak lơ̆m tơdrong ‘nao. Tơ̆ ‘măng hop akŏm âu, Anih chĕp kơ̆l pơgơ̆r Kuôk hô̆i kŭm ăn tơgop nơ̆r hăm hla ar chih Tơdrong tơchơ̆t găh hơnih bơ̆jang hăm Bơngai tang măt Kuôk hô̆i bơ̆jang tơ̆ trung ương, kang ƀô̆ jang teh đak găh gơh jang vei lăng đơ̆ng Anih chĕp kơ̆l pơgơ̆r Kuôk hô̆i.