Tơ̆ âu, 94 ‘nu bơngai rơgei lơ̆m tơdrong pơjei băl bơ̆ jang khŏm đei kơ khul linh dêh char Kon Tum păng dôm bơngai tang măt vang lăng năng dơ̆ng tơdrong pơjei băl 5 sơnăm âu ki. Tơdrong pơma nuh, đei 10 khul grŭp, lơ bơngai jang rơgei tơƀôh hơdăh hlŏh dơ̆ng tơdrong mât 1 ƀơ̆r đon, jang gơ̆h hơgei, yak hlŏh rim tơdrong pơmat tat, adrin jang đang ‘lơ̆ng tơdrong jang đơ̆ng đe kăn ƀô̆, linh dêh char Kon Tum.

Kŭm hăm ‘nŏh jĭ dôm tơdrong tơroi tôch hơiă găh jơhngâm don ‘mêm băl đơ̆ng linh hăm kon pơlei, nhen Anih chĕp kơ̆l khul linh apŭng Kon Plông hăm tơdrong jang “Tơgŭm ăn bơngai đei kŏng”, tơgŭm lơ̆m tơdrong arih xa ăn bơngai tơnuh; Anih chĕp kơ̆l khul linh apŭng Đăk Glei hăm trong jang “Kơdeng tơmam song đĕch”; Thiếu tá Nguyễn Thị Trinh hăm tơdrong jang tơgŭm ăn kon pơlei đei tơdrong arih xa pơmat tat.