Tơ̆ 'măng pơhrăm, kăn ƀô̆ juăt jang, kăn ƀô̆ vei pơgơ̆r păng bơngai pơtho lơ̆m dôm hnam trưng jăl trung hŏk cơ sở kơ 5 dêh char Tây Nguyên hlôi đei băt gah tơdrong răm đơ̆ng 'mi kial pơrăm lơ̆m teh đak păng lơ̆m kơpal teh, trong tơlĕch jang hadoi gah tang găn păng tơjră 'mi kial hơbŭt hơbông, vei lăng cham char, hơyuh tô̆ 'mi tơplih, pơtho lơ̆m dôm môn hŏk, pơtho ăn đe hŏk tro jăl trung hŏk cơ sở, tơgŭm ăn đe oh hlôh vao hơdah gah tang găn păng tơjur ƀiơ̆ tơdrong răm.

Ƀok Nguyễn Huỳnh Quang, Phŏ Kơdră Anih vei lăng 'mi kial hơbŭt hơbông lơ̆m tơring, Anih vei lăng thong hơbong đak, tang găn păng tơjră 'mi kial hơbŭt hơbông, lơ̆m Anih tơm jang Choh pơtăm păng Hơtŏk tơring tơrang akhan, dôm lăm pơhrăm thoi âu gô tơgŭm ăm rim bơngai kơchăng hloh hăm tơdrong băt hơdrol gah 'mi kial hơbŭt hơbông kiơ̆ Tơdrong jang “Hơtŏk hlôh vao ăn rim bơngai păng Vei hơlen tơdrong răm gơnơm đơ̆ng rim bơngai, truh sơnăm 2030” kơyuơ  Thủ tướng teh đak tơchơ̆t tơlĕch jang.