Pơma pơih blŭng Hop akŏm, Kơdră tơm vei lăng Công an ƀok Lương Tam Quang pơma hơdăh: Hop akŏm mă âu vă pơma nuh găh 1,2 tơdrong gĭt kăl: Hơlen năng dôm tơdrong jang đei, lăng năng tơdrong chĕp kơ̆l pơgơ̆r bơ̆ jang chinh trĭ đơ̆ng blŭng sơnăm truh dang ei; tơlĕch tơdrong jang tơm păng trong bơ̆ jang vă jang đang ‘lơ̆ng tơdrong jang lơ̆m sơnăm 2024; hơlen năng 1,2 tơdrong jang kiơ̆ trong jang đơ̆ng Đảng, Khul kơdră teh đak ƀơm truh tơ̆ công an păng tơchĕng trong hơmet ming, chih tơmât dơ̆ng hơnăp jang, tơdrong jang ăn 1,2 khul linh găh Anih tơm.

Hop akŏm hlôi pơma nuh, tơgop nơ̆r hăm: Hla ar chih tơroi pơtôch tơdrong jang 6 khei blŭng sơnăm, trong vă jang, tơdrong jang tơm lơ̆m 6 khei hơtuch sơnăm 2024 đơ̆ng Đảng ƀô̆ Công an Trung ương; Hla ar chih tơroi pơtôch tơdrong jang đơ̆ng công an 6 khei blŭng sơnăm, tơdrong vă jang tơm lơ̆m 6 khei hơtuch sơnăm 2024 đơ̆ng Anih tơm vei lăng Công an păng 1,2 tơdrong kăl nai hai.