‘Năr (2-6), tơ̆ plt Buôn Ma Thuột, dêh char Đắk Lắk, Anih pơgơ̆r tơdrong jang Trong yak ƀrê kơ Trung ương jang hơdoi hăm Anih krao hơvơn plang song pham dêh char Đắk Lắk pơgơ̆r Tơdrong krao hơvơn Plang song pham "Trong yak ƀrê" lơ̆m teh đak ‘măng mă XII, pơih blŭng ăn tơdrong jang vă pơgơ̆r đunh 2 khei, năm klĕch 51 dêh char, plt lơ̆m teh đak. 

Trong yak ƀrê” sơnăm 2024 hăm đon pơhnŏng: Roi tơbăt păng pơtho tơƀôh ăn 1 triu ‘nu bơngai găh tơdrong plang song pham păng tơdrong jĭ pham hach đơ̆ng nge; tơchĕng adrol gô iŏk đei tŏ sĕt hlŏh dang 120.000 tơpu pham; krao hơvơn tŏ sĕt hlŏh ‘nŏh 8.000 ‘nu bơngai jang tơ̆ dôm tơring vang akŏm ‘nŏh jĭ đe kăn ƀô̆, bơngai jang, druh dăm tơ̆ Anih ‘long pơglang ƀrê, bơngai vang jang tơgŭm lơ̆m "Trong yak ƀrê" păng dôm tơdrong jang tơgŭm nai tơ̆ tơring păng anih jang.