Pơjao Anih jang khŭl lĭnh 541 ăn kơ Anih tơm pơgơ̆r Khŭl lĭnh dêh char Attapư, Lào
Thứ năm, 08:50, 07/12/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Lơ̆m tơdrong jang tơƀơ̆p tơbôl Khŭl lĭnh vei lăng tơring sơlam Việt Nam- Lào- Campuchia ‘măng mă I, Khŭl bơ̆jang kơ Anih tơm vei lăng khŭl lĭnh Việt Nam yua đơ̆ng Thiếu tướng Hoàng Hữu Chiến, Phŏ yŏng lĭnh, kơdră jang tơgŭm kơ Anih tơm pơgơ̆r Ƀô̆ đô̆i vei lăng tơring sơlam Việt Nam pơm kơdră khŭl hlôi pơjao tơdrong jang ming man anih jang khŭl lĭnh vei lăng tơring sơlam 541 ăn kơ Anih tơm pơgơ̆r khŭl lĭnh dêh char Attapư.
‘Nâu jĭ 1 lơ̆m dôm tơdrong jang đơ̆ng Anih tơm vei lăng khŭl lĭnh Việt Nam hơpăh ăn kơ Anih tơm vei lăng khŭl lĭnh teh đak Lào hăm ‘meh vă ling lang hơdai hăm Khŭl lĭnh kon pơlei Lào pơma atŭm, khŭl lĭnh vei lăng tơring sơlam kơ Lào pơma hơdrô̆ pơjing trong sơlam 2 teh đak tơbôl, hơtŏk tơiung kơjăp.
Lơ̆m tơdrong jang, Anih jang Quân Y hlôi jang hơdai hăm Hnam pơgang Quân Y 87 găh Anih jang tơgŭm kơ Anih tơm vei lăng khŭl lĭnh pơgơ̆r khăm hơmet jĭ, asong đĕch pơgang ăn kơ dang 700 ‘nu kon pơlei lơ̆m apŭng Phu Vông păng apŭng Xản Xây, dêh char Attapư.
Viết bình luận