Đại tá Hồ Song Ân rơneh sơnăm 1978, pơlei pơla dêh char Quảng Nam, đei Hơnih tơm Kong ang pơjao jang păng pôk hơtŏk jang Kơdră chĕp pơgơ̆r Kŏng ang dêh char Dak Nông tơplih Đại tá Nguyễn Thanh Liêm hlôi đei pơjao jang iŏk jang Kơdră chĕp pơgơ̆r Kŏng ang dêh char Quảng Bình. Tơdrong Đại tá Hồ Song Ân đei pơjao jang, pôk hơtŏk jang Kơdră chĕp pơgơ̆r Kŏng ang dêh char Dak Nông tơƀôh hơdăh jơhngơ̆m đon lui yom kơtang đơ̆ng Khul kơdră Đảng kơ Kŏng ang Trung ương, khul kơdră chĕp pơgơ̆r Hơnih tơm Kŏng ang păng dêh char Dak Nông. Iŏk tơdrong bơ̆ jang ‘nao, tơring hle, Kơdră chĕp pơgơ̆r dang ei kơ Kŏng ang dêh char Dak Nông pơkăp gô kơrŭn đĭ ai, iung jang dôm tơdrong hlôh vao; vang atŭm hăm khul kơdră chĕp pơgơ̆r Đảng, Khul kơdră chĕp pơgơ̆r Kŏng ang dêh char păng đĭ đăng kang ƀô̆, kŏng ang jang keh đang ‘lơ̆ng tơdrong jang đei pơjao.