Tơ̆ tơdrong Tơchơ̆t kơsô̆ 1244, ‘năr 15/5/2024 Anih tơm Chĭnh trĭ tơchơ̆t ăn ƀok U Huấn, bơngai jang lơ̆m proh hơmet lơ̆m Trung ương Đảng, bơngai jang lơ̆m Khŭl chĕp kơ̆l pơgơ̆r Anih jang Đảng dêh char, Kơdră Ban Nội chính Anih jang Đảng dêh char, Kơdră Khŭl tang măt Quốc hội jăl XV dêh char Kon Tum pơm Phŏ Bí thư Anih jang Đảng dêh char Kon Tum jăl jang 2020- 2025. 

Ƀok U Huấn, rơneh ‘năr 22/1/1980, bơngai Xơ Đăng, plei tơ̆ xăh Đăk Ui, apŭng Đăk Hà, dêh char Kon Tum. Năr mơ̆t Đảng 4/7/2006. Hŏk lý luận chính trị: Cao cấp. Hŏk joăt jang: Thạc sỹ Hành chính công- Cử nhân Tài chính- Tín dụng. Đơ̆ng khei 1/2021 truh dang ei, ƀok U Huấn pơm Kơdră Ban Nội chính Anih jang Đảng dêh char Kon Tum; Bơngai tang măt Quốc hội jăl XV, Bơngai jang lơ̆m Anih jang Khôi luơ̆t kơ Quốc hội păng Kơdră Khŭl tang măt Quốc hội dêh char Kon Tum.