Kăl kơ lăng truh, Khŭl kơdră teh đak pơjing 26 Khŭl bơ̆jang yua đơ̆ng dôm Bơngai jang lơ̆m khŭl kơdră teh đak pơgơ̆r bơ̆jang kơtă vă hơmet pơ ‘lơ̆ng hơmat tat ăn dôm tơring: Lơ̆m 6 khei blŭng sơnăm, Khŭl kơdră păng dôm anih tơm, anih jang Trung ương hlôi tơtĕnh, kơtang pơgơ̆r păng tơlĕch ăn 01 tơdrong hơgăt, 02 tơdrong tơchơ̆t đơ̆ng Thủ tướng teh đak, 05 hla ar tơchơ̆t, 04 hla ar pơtho păng lơ hla ar nai.

Vă hơnơ̆ng tŭn hrĕnh tơdrong jang tơlĕch jên bơ̆jang kiơ̆ dôm tơdrong jang tơm teh đak, Thủ tướng athei, dôm anih tơm, anih jang tơring tơ tĕnh jang hơdai hăm Anih tơm vei lăng jên hu păng dôm anih tơm, anih jang tơ ‘ngla tơdrong jang vă roi tơbăt kơ sô̆ jên tơdrong jang sơnăm 2024 păng 2025. Anih vei lăng hơdrĕch kon kông tơtĕnh pơgơ̆r, jang hơdai hăm dôm anih tơm, anih jang tơ ‘ngla tơdrong jang dăr hơlen akŏm Tơdrong jang tơm teh đak hơtŏk tơiung mŭk drăm -tơpôl tơring kon pơlei kon kông păng tơring groi kông jăl jang I, pơjing hla ar hô sơ apĭnh hơmet ming tơdrong Tơchơ̆t kĭ ăn Tơdrong jang kiơ̆ ƀlep tơdrong hơgăt, tơ rih, hla ar đơ̆ng khôi luơ̆t găh tơmơ̆t jên jang teh đak.