Năm vang hop akŏm đei kơdră kơ Anih tơm linh Kuân khu 5, kơdră kơ dêh char Gia Lai, rim anih linh Kon pơlei păng dôm bơngai jang hơgei lơ̆m anih jang linh kơ dêh char Gia Lai.  Tơ̆ hop akŏm, ƀai đŏk tơbang đơ̆ng dôm anih jang, rim tơ-‘ngla jang gơh hơgei tơbang hơdah dôm tơdrong jang tơnăp, ling lang kơchăng tơjră hăm tơdrong kơnê̆ păng tơlĕch dôm trong jang ‘nao ăn tơdrong pơlong jang khŏm mă đei jơnei kơ Rim anih jang linh Gia Lai, keh đang tơnăp sơnong jang đei pơjao, tơgop lơ̆m tơdrong jang tơ-iung pơjing păng vei lăng teh đak.

Lơ̆m jăl jang truh, Rim anih jang linh dêh char Gia Lai pơtoi pơm jang tơnăp sơnong jang "khul linh tơblah", "khul linh pơm jang". Jang hadoi hăm rim anih jang lơ̆m tơpôl tơlĕch jang tơnăp tơdrong chă hơvơn pơtho kon pơlei vang jang lơ̆m tơdrong jang "Khul linh atŭm jơhngơ̆m pơjing tơring tơrang ‘nao”.