Tơ̆ jơ Pơm lêh, Kơdră tang măt Teh đak hlôi pôk ăn 2 tân tơmam drăm tơgŭm ăn tơdrong pơtho păng hŏk nơ̆r Yuăn ăn kôn mon kon sau bơngai Việt tơ̆ 4 dêh char Pơbăh Lào đei Champasak, Attapue, Salavanh păng Sekong.

Iung pơma tơ̆ au, ƀok Nguyễn Văn Trung, Kơdră tang măt Việt Nam tơ̆ Pakse pơma hơdăh, ‘nau jing tơdrong lăng ba đơ̆ng Kơdră chĕp pơgơ̆r Đảng, Teh đak, mă kăl đơ̆ng Kơdră chĕp pơgơ̆r Kuô̆k hô̆i Vương Đình Huệ hăm kon pơlei Việt Nam oei tơ̆ 4 dêh char Pơbăh teh đak Lào; tơbăt hơdăh ăn trong bơ̆ jang ‘lơ̆ng hơ iă đơ̆ng “Đảng păng Teh đak Việt Nam ling lang lăng kon pơlei Việt Nam oei tơ̆ teh đak đe ‘nŏh mĭnh păh ưh kơ gơ̆h tơklăh hăm kon pơlei pơla hơdrĕch hơdrung Việt Nam”.