Kiơ̆ kơ noh, lơ̆m 6 liê̆t sih đei pôk Ƀăng  "Tôh kuôk gi kŏng" đei 4 liê̆t sih kơ Anih tơm Kŏng ang noh: liê̆t sih Hoàng Trung, Thiê̆u tă Kŏng ang kon pơlei, kang ƀô̆ Kŏng ang xăh Ea Ktur, apŭng Cư Kuin, dêh char Đăk Lăk; liê̆t sih Trần Quốc Thắng, Thiê̆u tă Kŏng ang kon pơlei, kang ƀô̆ Kŏng ang xăh Ea Tiêu, apŭng Cư Kuin, dêh char Đăk Lăk; liê̆t sih Hà Tuấn Anh, Đại wĭ Kŏng ang kon pơlei, kang ƀô̆ Kŏng ang xăh Ea Tiêu, apŭng Cư Kuin, dêh char Đăk Lăk; liê̆t sih Nguyễn Đăng Nhân, Đại wĭ Kŏng ang kon pơlei, kang ƀô̆ Kŏng ang xăh Ea Ktur, apŭng Cư Kuin, dêh char Đăk Lăk. Ƀar liê̆t sih kơ dêh char Đăk Lăk noh: liê̆t sih Nguyễn Văn Kiên, Ƀĭ thư Đang wi, Kơdră Hô̆i đŏng kon pơlei xăh  Ea Ktur, apŭng Cư Kuin, dêh char Đăk Lăk păng liê̆t sih Nguyễn Văn Dũng, Phŏ Ƀĭ thư Đang wi, Kơdră anih jang vei lăng kon pơlei xăh Ea Tiêu, apŭng Cư Kuin, dêh char Đăk Lăk (pơlei pơla tơ̆ xăh  Hùng Tiến, apŭng Nam Đàn, dêh char Nghệ An).

Adrol kơ noh, pơgê hrôih năr 11/6/2023, tơ̆ tơring teh kơ apŭng Cư Kuin hlôi đei minh khul bơngai yua phao tơdrŭt anih jang vei lăng kon pơlei xăh Ea Tiêu păng xăh Ea Ktur, pơm lôch, rơka minh ƀar kŏng ang xăh, kang ƀô̆ xăh păng kon pơlei. Jô̆ truh 6 jơ minh puơ̆t kơsơ̆ năr 12/6, khul jang kơpal hlôi rôp đei 27 'nu tơdrŭt anih jang vei lăng kon pơlei xăh Ea Tiêu păng Ea Ktur, apŭng Cư Kuin, dêh char Đăk Lăk, Khul Kŏng ang tŏk bŏk oei jang hadoi vă chă ƀa trui rôp dôm bơngai tơdrŭt kơnê̆, xek tơlang trŏ kiơ̆ tơchơ̆t đơ̆ng khôi luơ̆t teh đak.