Lơ̆m sơnăm hŏk 2023-2024, đoan hơdruh tơdăm Đak Lăk hlôi tơlĕch jang kơtang tơdrong “Hŏk tro 3 ‘lơ̆ng”, “Hŏk tro 3 trong jang”, “Sinh viên 5 ‘lơ̆ng”. Kiơ̆ kơ noh, hlôi đei kơ rơbâu hŏk tro, sinh viên lơ̆m dêh char đei iŏk hơnăn pơkăp âu, tơgop hơtŏk tơdrong jang kơ jơnŭm jang đoan lơ̆m hnam trưng hŏk roi năr roi pran kơtang, pơjing trong jang ‘lơ̆ng ăn đe hŏk tro, sinh viên pơhrăm dơh po, hơtŏk tơdrong hơbĕch hơbal ăn kơdih.

Ah jơ lêh, Jơnŭm pơgơ̆r hlôi pôk hơpah hăm 108 ‘nu bơngai păng jơnŭm jang đei jơnei dôm pơkăp jang kơ dêh char. Pơgơ̆r akŏm pơma dơnuh hăm nơ̆r Anh păng pơjing cham char vă đe hŏk tro, sinh viên gơh akŏm đei trong hŏk pơhrăm pơma dơnuh hăm nơ̆r teh đak đe.