Pơkă hơtŏk tơdrong jang ƀăo chĭ, rapor pơre nơ̆r, pơdah um rŭp, kơtơ̆ng ang điê̆n tưh
Thứ năm, 08:44, 20/06/2024
Lan chih tơblơ̆
Lan chih tơblơ̆
VOV4.Bahnar – Pơgê năr 18/6, Phŏ Thủ tướng Trần Lưu Quang pơgơ̆r tơdrong hop akŏm hăm minh ƀar Anih jang tơm Trung ương gah tơdrong Pơkă hơtŏk tơdrong jang ƀăo chĭ, rapor pơre nơ̆r, pơdah um rŭp, kơtơ̆ng ang điê̆n tưh, anih in kơtơ̆ng ang jăl sơnăm 2021-2030, sơkơ̆t truh sơnăm 2050.
Chih akŏm pơkă tơchơ̆t jang truh sơnăm 2030: 100% anih jang ƀăo chĭ, rapor pơre nơ̆r, pơdah um rŭp pơm kiơ̆ tơplih kơsô̆, tơplih ‘nao tôm tơdrong jang kiơ̆ pơkăp chih akŏm kiơ̆ ƀăo chĭ kơsô̆.
Pơtoi asong, hơtŏk 6 anih jang tơroi tơbăt dơnơm kiơ̆ lơ trong jang nhen Anih Pơdah Um rŭp Việt Nam, Rađiô nơ̆r pơma Việt Nam, Thŏng tâ̆n xah Việt Nam, ƀăo Kon pơlei, Ƀăo Khul linh kon pơlei, Ƀăo Kŏng an vơ̆ pran, vei sơnong chơng trong gah tơdrong jang ƀăo chĭ. Phŏ Thủ tướng Trần Lưu Quang pơjao ăn Anih tơm Tơroi tơbăt hơlen chih akŏm hăm tơchơ̆t akŏm lơ̆m pơkăp jang lang să tơnăp hloh, mă lei ưh gơh pơjră hăm dôm tơchơ̆t nai vă vei sơđơ̆ng tơdrong gơh iŏk jang.
Viết bình luận