Phŏ Thủ tướng Trần Hồng Hà năm akŏm păng pơjao Tơchơ̆t pơkăp. Pơma ah Lêh tơbang Pơkă pơlei tơm Đà Nẵng, Phŏ Thủ tướng Trần Hồng Hà sơkơ̆t hơdah: Pơkă pơlei tơm Đà Nẵng tơbang ‘năr âu đei pơjing hăm tơdrong hơgei, sơkơ̆t lăng truh khei năr đunh đai kơnh kiơ̆ mŭk drăm phara băl, trong hiôk păng tơdrong pran gah jang tơgar; pơm hơdah trong tơchơ̆t jang đơ̆ng Anih tơm Chĭnh trĭ tơ̆ Tơchơ̆t kơsô̆ 43-NQ/TW năr 24 khei 01 sơnăm 2019, tơbang tơdrong hơpơi đơ̆ng Kon pơlei Đà Nẵng gah minh pơlei tơm tơgăl kơ hơrih xa, anih tơm jang mŭk drăm – tơpôl tih hloh kơ jâ̆p teh đak păng lơ̆m tơring Đông Nam Á.

Pơlei tơm gô jing sơnong kăl kơ minh lơ̆m tơring kơdrơ̆m hơtŏk tơ-iung kơ tơring Tu Tŏk bŏk păng tơring đak dơsĭ Tŏk bŏk, tơring Tu Tây Nguyên. Pơkă pơlei tơm Đà Nẵng ‘măng mă âu sơkơ̆t hơdah tơmang pơhiơ̆ pơtoi jing tơdrong jang mŭk drăm dơnơm, hơtŏk pơlei tơm jing anih tơm tơmang pơhiơ̆ păng tĕch răt kơjung hloh.