Pơlei tơm Kon Tum iung jang 3 tơdrong vă jang hăm akŏp kon jên tơmơt jang hloh 400 ti hlak jên ming hơmet hơnih kơdrơ̆m
Thứ bảy, 10:11, 11/05/2024
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Lăp đơ̆ng rŏng đei Thủ tướng Teh đak drơ̆ng nơ̆r pơlei tơm Kon Tum iŏk đei jing hơnih kơdrơ̆m kơ loăi II găh lơ̆m dêh char Kon Tum lơ̆m khei 1/2023, khul kơdră chĕp pơgơ̆r pơlei tơm Kon Tum hlôi tơlĕch jang 3 tơdrong vă jang hăm kon jên tơmơ̆t jang hloh 400 ti hlak jên vă ming hơmet hơnih kơdrơ̆m.
3 tơdrong vă jang ming hơmet hơnih kơdrơ̆m đei kơdră pơlei tơm Kon Tum, dêh char Kon Tum akŏm lơ̆m ming hơmet jih trong, hơlŏng đak, pơtăm ‘long păng ŭnh hơyuh jih trong hăm akŏp hơtăih hloh 6.500m.
Kiơ̆ pơlăp, tôch môch jih trong kơ 5 trong glung lơ̆m pơlei tơm Kon Tum đei man hăm tơmo granite. Hơlŏng đak đei tơplih hăm đing man kơjăp. Hăm dôm jăl trong đei ‘long pơtăm ưh kơ mĭnh kơ loăi hơdrĕch ‘long đei tơplih ăn ‘long anai păng đak chă pih hum au to kơ ŭnh hnam jei đei tơmơ̆t jên răt kmăi kmŏk iŏk akŏm. Kiơ̆ pơprŏ jang, 3 tơdrong vă jang ming hơmet hơnih kơdrơ̆m pơlei tơm Kon Tum, dêh char Kon Tum gô đei ming man keh đang lơ̆m khei 10/2024, khei 3/2025 păng khei 7/2026./.
Viết bình luận