Đei pơgơ̆r đơ̆ng kơmăng năr 10/4 truh đĭ năr 12/4, lơ tơdrong akŏm joh ayŏ kơyuơ Anih jang vei lăng kon pơlei pơlei tơm Kon Tum pơgơ̆r vă tơroh, hơtŏk jang tơmang pơhiơ̆ kơ 5 pơlei tơm noh Kon Tum, Pleiku (Gia Lai), Buôn Ma Thuột (Đăk Lăk), Gia Nghĩa (Đăk Nông) păng Tuy Hoà (Phú Yên).

Kiơ̆ đơ̆ng tơdrong pơgơ̆r akŏm lơ tơdrong joh ayŏ nhen: pơdah um rŭp; pơdah lơ tơmam drăm xa; pơlong che tanh; kơmăng joh hơri; pơdah dôm tơmam drăm OCOP… pơlei tơm Kon Tum pơtruh hăm kon pơlei, tơmoi băt gah tơdrong ‘lơ̆ng, mŭk drăm đei pran kơ 5 pơlei tơm. Ƀok Nguyễn Thanh Mẫn, Kơdră Anih jang vei lăng kon pơlei pơlei tơm Kon Tum ăn tơbăt, âu jing trong hiôk vă dôm pơlei tơm tơbang um rŭp, tơroh hơtŏk jang tơmang pơhiơ̆ păng hơvơn lơ anih jang truh asong pơm jang.