Tơ̆ pơgê, hŏk tro pơm ƀai Ngữ văn kiơ̆ trong chih, jơ ‘năr pơm ƀai 120 pơnĭt. Tơ̆ kơsơ̆ hŏk tro pơlong môn Toán kiơ̆ trong trăk nghiêm, jơ pơm ƀai 90 pơnĭt. Ngữ văn ‘noh pơm ƀai chih kăl hloh lơ̆m rim môn pơlong lĕch ‘măng khoă jăl pêng 2024 păng jing môn đei lăng jĭ “kăl hloh” tơgŭm ăn hŏk tro đei rơvơn iŏk đei điêm lơ ăn kơ dih. Kiơ̆ đơ̆ng Hơnih tơm vei lăng hnam trương pơtho pơhrăm, trong pơlong môn Ngữ văn sơnăm 2024 jei ưh kơ đei tơplih lơ pơtêng hăm dôm sơnăm hơdrol păng mă kăl lơ̆m dôm tơdrong hŏk pơhrăm lăm 12. Kơ iĕng Kơdră chĕp pơgơ̆r Hơnih tơm vei lăng Hnam trương pơtho pơhrăm Phạm Ngọc Thưởng hơpơi ‘meh vă rim hŏk tro pran jăng grăng akou, hơdrin pơlong, pơm ƀai kiơ̆ ƀlep dôm tơdrong pơhrăm, trong pơtho tơbăt đơ̆ng ƀok thây kô păng trŏ ƀlep hăm tơdrong tơchơ̆t pơlong vă iŏk đei điêm lơ nhen hơpơi ‘meh vă.